Artêşa Amerîkî li dijî çeperên DAIŞê li Sûriyê êrîşên asmanî pêk anîn.
Dewletên Yekbûyî yên Amerîka roja Înê ragihand ku li Sûriyê êrîşên leşkerî pêk anîne, çeper û şervanên DAIŞê hedef girtine, wekî tolhildana ji êrîşa ku nêzîkî hefteyek berê du leşkerên Amerîkî û wergêrekî Amerîkî kuştin.
Serokê Amerîka Donald Trump got ku armanca êrîşan “tunekirina şervanên DAIŞê û binesaziya wan” e, operasyon wekî “serkeftî û rast” bi nav kir. Zêde kir ku êrîş bersiva kemîna ku ji aliyê rêxistina DAIŞê û endamên hêzên Amerîkî yên wekî beşek ji hevpeymaniya navneteweyî dixebitîn, hatibûn kuştin .
Rayedarên Amerîkî, bi şertê ne eşkerekirina navê xwe axivîn, gotin ku operasyon “mezin” bû û nêzîkî 70 hedef li navenda Sûriyê, di nav de depoyên çekan û binesaziya DAIŞê, dihewîne. Wan nîşan da ku di serdema pêş de êrîşên din jî gengaz in.
Ji aliyê xwe ve, Wezîrê Parastinê yê Amerîka Pete Hegseth got ku êrîşan “şervanên DAIŞê, binesaziya wan û cihên çekan” hedef girtine, rave kir ku operasyon bi navê kod “Operasyona Çavê Baz” hatiye kirin. Wî zêde kir ku Dewletên Yekbûyî yên Amerîka dê berdewam bike ku hêmanên DAIŞê hedef bigire. Karbidestekî Amerîkî rave kir ku êrîş bi karanîna balafirên şer ên F-15 û A-10, ji bilî helîkopterên Apache û roketên bi tevger “HIMARS” hatine kirin.
Berovajî vê yekê, Wezareta Derve ya Sûriyê diyar kir ku Sûriyê “pabendbûna xwe ya ji bo şerê li dijî DAIŞê û pêşîgirtina li avakirina her cihekî ewle ji bo DAIŞê li ser axa xwe ji nû ve piştrast dike”, bal kişand ser berdewamiya operasyonên leşkerî yên li dijî rêxistinê li deverên ku ew lê çalak e.
Nêzîkî 1,000 leşkerên Amerîkî wekî beşek ji hevpeymaniya navneteweyî li Sûriyê bicîh bûne. Li gorî texmînên îstîxbarata Amerîkî ji hêla “ABC News” ve hatine vegotin, hejmara şervanên DAIŞê li Sûriyê û Iraqê niha di navbera 1,500 û 3,000 de ne.
