Serokê Amerîkayê Donald Trump roja Înê piştî serdanekê ku tê de hevdîtinên dijwar bi Serokê Çînê Xi Jinping re hebûn, ji Pekînê derket. Di nîqaşan de bazirganî, aloziyên navneteweyî, krîza Îranê û pêşeroja seyaheta li Tengava Hormuzê hebûn.
Trump encamên serdanê wekî “pir baş” bi nav kir û tekez kir ku “peymanên bazirganî yên fantastîk” di navbera Washington û Pekînê de hatine kirin. Wî destnîşan kir ku her du alî bi serkeftî pirsgirêkên mayî çaraser kirine ku yên din nikarîne çareser bikin.
Di hevpeyvînekê de bi Fox News re, Trump got ku Xi Jinping jê re ragihandiye ku Çîn amadekariya pêşkêşkirina piştgiriya leşkerî ji Îranê re nake. Wî zêde kir ku serokê Çînê amadebûna welatê xwe ji bo alîkariya vekirina Tengava Hormuzê ji bo keştîvaniya navneteweyî nîşan daye.
Trump helwesta welatê xwe li dijî hebûna çekên atomî ji aliyê Îranê ve dubare kir, ku nîşan dide ku di navbera Dewletên Yekbûyî û Çînê de li ser çawaniya bi dawîkirina krîza bi Tehranê re nêrînên hevgirtî hene.
Ji aliyê xwe ve, Wezareta Derve ya Çînê daxwaza agirbesteke berfireh û mayînde li Rojhilata Navîn kir, li gorî bangên civaka navneteweyî, tekez kir ku pêwîst e rêyên keştîvaniyê di zûtirîn dem de werin vekirin. Li ser mijara Taywanê, Xi Jinping hişyarî da ku rêvebirina xelet dikare têkiliyên di navbera Pekîn û Washingtonê de ber bi pevçûnê ve bibe, di heman demê de Wezîrê Xezîneyê yê Amerîkayê Scott Bisnett piştrast kir ku siyaseta Amerîkayê ya li hember Taywanê neguheriye.
Trump her wiha îşaret bi îhtîmala zêdekirina zextê li ser Îranê kir ger rêkeftineke bilez neyê bidestxistin, û diyar kir ku pencereya derfetê ya Tehranê “dê dirêj nebe”.
