Hema – Îro sibê li gundê Birêdij ê gundewarê Hemayê ji ber teqîna mayînekê zarokekî 10 salî jiyanan xwe ji dest da û bavê wî birîndar bû.
Rêveberiya Tenduristiyê ya Hema ragihand ku zarok bi lez û bez bo Nexweşxaneya Neteweyî ya El-Siqêlbiyê hatiye veguhastin, lê di odeya emeliyatê de ji ber birînên xwe jiyana xwe ji dest da.
Rêveberiyê diyar kir ku bavê zarok ji ber birînên parşeyan birîndar bûye û dermankirina pêwîst wergirtiye. Rewşa wî wekî aram hatiye rave kirin.
Li gorî Çavdêriya Mafên Mirovan a Sûriyê, ji destpêka vê salê ve hejmara kesên ku ji ber teqemeniyên neteqiyayî û bermahiyên din ên şer hatine kuştin gihîştiye 154 kesan, di nav wan de 52 zarok û 7 jin hene, ji bilî 214 birîndaran.
