Rojnameya Wall Street Journal, ji rayedarên Amerîkî, ragihand ku Serok Donald Trump ji alîkarên xwe re rêwerz daye ji bo dorpêçeke demdirêj li ser Îranê wekî beşek ji siyaseta zêdekirina zextê amade dike.
Li gorî raporê, Trump di civînên dawî de bi tundkirina sînorkirinên li ser tevgerên şandinê ber bi benderên Îranê û ji wir ve, tercîh kir ku zextê li aboriya Îranê û hinardekirina petrolê bidomîne, xuya kirk u alternatîfên din, wekî ji nû ve destpêkirina bombebaranê an vekişîna ji şer, xetereyên mezintir ji domandina dorpêçkirinê hildigirin.
Di pêşveçûnek têkildar de, Trump êvara Sêşemê diyar kir ku Qiral “Charles III” li ser pêwîstiya pêşîgirtina li Îranê ji bidestxistina çekek nuklerî razî ye.
Ev yek di dema şîveke fermî de ku ji aliyê Koşka Spî ve di roja duyemîn a serdana fermî ya çar roj ya ku Qiral bo Dewletên Yekbûyî yên Amerîka de hatibû lidarxistin, pêk hat.
Trump di şîvê de zêde kir: “Em li Rojhilata Navîn encamên pir baş bi dest dixin,” û tekez kir ku welatê wî “qet nahêle Îran çekek nuklerî bidest bixe.”
Ji aliyê xwe ve, Qiral Charles, di gotinekê de li ber Kongreya Amerîkayê, piştrast kir ku Mîrnişîna Yekbûyî û Dewletên Yekbûyî yên Amerîka dê tevî alozî û nakokiyên heyî yên li Ewropa û Rojhilata Navîn hevalbendên bihêz bimînin, û pabendbûna hevbeş a her du welatan ji bo piştgiriya demokrasiyê û parastina gelên xwe destnîşan kir.
