Hêzeke leşkerî ya Îsraîlê, ku ji pênc Humvee pêk tê, sînor derbas kir û çû gundê Rasem Send li gundewarê başûrê Quneytrayê, ku heta niha li wir bi cih bûye.
Li gorî agahiyên berdest, ti serdegirtin li ser malan an jî girtina sivîlan nehatiye ragihandin. Rewşa bendewarî û hişyariyê di nav niştecihên gund de serdest e ji ber ku hêza Îsraîlê hebûna xwe didomîne.
Ev derbasbûn beşek ji rêze tevgerên leşkerî yên Îsraîlê yên dubare di nav deverên parêzgeha Quneytrayê de ye, ku dem bi dem derbasbûnû dewriyeyên leşkerî lê tên kirin.
Duh, hêzeke Îsraîlê, ku ji sê wesayîtên leşkerî pêk tê, jî ket nav gundewarê rojavayê Derayê. Ew ji deriyê Tel Ebû el-Xitar ket û ber bi Wadî el-Reqad ve çû, bêyî ku cewherê mîsyona xwe an jî dema mayîna xwe li herêmê eşkere bike.
Ev yek bi topbarana ji devera Cibînê re hevdem bû, ku derdora Wadî Ebdîn li gundewarê rojavayê Derayê hedef girt, bêyî ku agahîyên tavilê li ser asta zirarê an qurbanîyan werin bidestxistin.
