Di du rojên borî de, çend bajarên Sûriyê rastî pêlek xwepêşandan û protesto cotkaran kirin ku buhayê genim ê ku ji hêla hikûmeta Sûriyê ve ji bo demsala 2026-an hatî danîn red dikin. Cotkar dibêjin ku biha ji bo dagirtina lêçûnên bilind ên hilberînê têrê nake û daxwaza zêdekirina bihayê kirînê û piştgiriya sektora çandiniyê dikin.
Li Dêra Zorê, cotkarên li herêma Xirbet el-Temr a gundewarê bakur rêyek sereke girtin da ku li dijî bihayê nizm ê genim û zêdebûna lêçûnên sotemeniyê nerazîbûnê nîşan bidin.
Wan daxwaza ji nû ve aktîvkirina koperatîfên çandiniyê û piştgiriya rasterast ji bo cotkaran kir û tekez kir ku rewşa heyî demsala çandiniyê tehdît dike.
Li Reqa, xwepêşandan û kombûn li Qada el-Neîm û li ber avahiya parêzgehê pêk hat. Xwepêşanderan stûnên genim bilind kirin û dirûşmeyên ku daxwaza ji kar dûrxistina Wezîrê Aboriyê û guhertina bihayê nû dikirin, qîr kirin, û destnîşan kirin ku bihayên heyî lêçûnên tov, gubre(semad), sotemenî, avdan û veguhastinê nagirin.
Li bajarokê Til Brak li gundewarê Hesekê, cotkaran li dijî bihayê pejirandî nerazîbûnek lidar xistin û îdia kirin ku radestkirina berhemên xwe bi vê bihayê “ne mumkin” e ji ber lêçûnên zêde yên çandiniyê û kêmbûna qazancê.
Xwepêşandan li bajarê Amûdê û gundewarê Hemayê belav bûn, li wir xwepêşanderan daxwaza nirxandina polîtîkayên çandiniyê û dabînkirina kelûpelên hilberînê bi bihayên piştgirîkirî kirin û hişyarî dan li ser bandorên potansiyel ên aborî û civakî yên ku dikarin bandorê li ewlehiya xwarinê li welêt bikin.
Wezareta Aborî û Pîşesaziyê bihayê kirîna genim ji bo demsala 2026-an li ser 46,000 lîreyên nû yên Sûrî serê tonê destnîşan kiribû, biryarek ku di nav derdorên çandinî û siyasî de nerazîbûnek berfireh derxist holê, nemaze dema ku bi bihayên sezona borî re were berhev kirin, ku cotkaran ew wekî dadmendtir didîtin.
