Raporên herêmî û hiqûqî nîşan didin ku xortekî Sûrî li gundewarê rojavayê Girê Spî, bakurê Sûriyê, nêzîkî sînorê Sûriyê-Tirkiyê, ji aliyê parêzvanên sînor ên Tirk (cendirme) ve hatiye kuştin.
Li gorî Çavdêriya Mafên Mirovan a Sûriyê, cenazeyê xort li gundê Salêb Qeran, li rojavayê Girê Spî hatiye dîtin, piştî ku dema hewl dida ji sînor derbasî Tirkiyê bibe, hatiye gulebarankirin. Çavkaniyan destnîşan kirin ku xort ji Helebê ye.
Di raporê de hatiye gotin ku ev herêm yek ji xalên sereke yên derbasbûna nefermî û rêyên qaçaxçîtiyê di navbera Sûriyê û Tirkiyê de ne û gelek caran rastî gulebaranên ji aliyê cendirmeyên Tirk ve li dijî kesên ku hewl didin ji sînor derbas bibin tê kirin.
Rêxistinên mafên mirovan û medyayê di salên borî de bi dehan bûyerên bi vî rengî li ser xeta sînorê Sûriyê-Tirkiyê belge kirine, di encamê de mirin û birîndarî di nav sivîlên Sûriyê de çêbûne.
