Karayilan: Entegrasyona YBŞ’ê dê statûya wê misoger bike

Mûrad Karayilan, endamê Fermandariya Navenda Parastina Gel (NPG), di nameyekê de ji gelê Êzidî re derbarê lihevkirina entegrasyona Yekîneyên Berxwedana Şengalê (YBŞ) bi hikumeta Iraqê re peyamek şand.Karayilan di nameya xwe de got ku entegrasyona YBŞ’ê bi reng û statuya wê ya heyî gaveke girîng e ku dê statûya wê misoger bike û rê li ber dubarebûna komkujiya 75’an a li dijî gelê Êzidî bigire.Ev peyam piştî lihevkirina di navbera hikûmeta Iraqê û YBŞ û Yekîneyên Jinên Şengalê (YJŞ) de, di 26ê Cotmeha 2026’an de, hate şandin. Li gorî agahiyên hatine eşkerekirin, lihevkirinê 4 hezar û 165 şervanên her du hêzan digire nav xwe û pêşî li tevlîbûna wan a saziyên fermî yên ewlehiyê yên Iraqê vedike.Di vê çarçoveyê de, mijarên parastina mafên gelê Êzidî, misogeriyên ewlehiyê li Şengalê û pêşîgirtina li dubarebûna êrîşên li dijî vê civakê di nav mijarên sereke yên nîqaşê de ne.