Îro êvarê di navbera endamên Pasvanên Neteweyî û hêzên hikûmetê û hevalbendên wan de li ser eniyên bajarokên El-Mecdel û El-Mezra’a li gundewarê rojavayê Siwêda pevçûnên tund derketin, û çekên makîneyî hatin bikar anîn.
Li gorî medyaya herêmî, pevçûn piştî ku hêzên hikûmetê û yên hevalbend ên li bajarokê El-Mezra’a bi cih bûne, ber bi nêzî baregeheke leşkerî ya Pasvanên Neteweyî li ser eniya El-Mecdelê guleyên nîşangiran reşandin, û ev yek bû sedema pevçûnên di navbera her du aliyan de.
Pevçûn hîn jî berdewam dikin, û hîn jî derbarê qurbaniyan de ti agahî tune.
Ev pêşketin piştî pevçûnên ku di 1ê Îlonê de li ser çend eniyên rojava û bakur-rojavayê bajarê Suweydayê qewimîn, ku bi seferberiya hevbeş a hêzan di navbera her du aliyan de, di nav alozî û binpêkirinên berdewam de ku gefê li agirbesta li herêmê dixwin, pêk tên.
Di wê demê de agir li eniyên rojavayê bajêr jî derket û ber bi rojhilat ve belav bû. Tîmên agirkujiyê yên Suweydayê ji bo vemirandina agir li deverên ku ew dikarin bigihîjin wan mudaxele kirin.
