Desteya Weşana Awistralyayê (ABC) ragihand ku hejmarek malbatên Awistralyayî roja Înê ji kampa Roj li bakurî rojhilatê Sûriyê derketine, wekî beşek ji rêkeftinên ji bo vegerandina wan bo Awistralya.
Li gorî ABC, di nav komê de çar jin û neh zarok û neviyên wan hebûn, ku ji aliyê hêzên ewlehiya navxweyî yên Sûriyê ve ji kampê bo Şamê hatin veguhastin.
ABC ji zarê rêvebira kampa Roj vegot ku derketin di navbera rêveberiya kampê û hikûmeta Sûriyê de hatiye hevrêzkirin û rê li ber vegera malbatan bo Awistralyayê vekiriye.
Wê zêde kir ku niha ji bo derketina Awistralyayên mayî yên li kampê ti plan tune ne, di heman demê de danûstandin bi çend welatan re di derbarê rewşên wekhev de berdewam dike.
Di vê navberê de, berdevkek ji hikûmeta Awistralyayê got ku rayedar dê li ser raporên taybetî yên derbarê vegerandina welatiyan ji Sûriyê şîrove nakin û diyar kirin ku hikûmet “nayê û mirovan ji Sûriyê venegerîne.”
