Sûriyê: Em ê bi rêyên dîplomatîk û yasayî li hember êrîşên Îsraîlê bisekinin
Nûnerê Daîmî yê Sûriyê li Neteweyên Yekbûyî, Îbrahîm Olabî, diyar kir welatê wî dê rêyên dîplomatîk û yasayî bişopîne da ku bersiva êrîşa Îsraîlê bide ku bajarokê Beyt Cin li gundewarê başûrê rojavayê Şamê armanc girt û di encamê de mirin û birîndarî çêbûn, wekî ku roja Înê ji hêla televîzyona Al-Arabiya ve hatî ragihandin.
Olabî rave kir ku “pêşîniya hikûmetê parastina sivîlan e”, got ku “bersiveke leşkerî ya rasterast li ser maseyê tune ye”, welatê wî “dê bi belgekirina wê di tomarên NY de û xebata şermezarkirina wê di saziyên navneteweyî de li hember êrîşê bisekine.”
Nûnerê Sûriyê destnîşan kir ku Şam “di îzolekirina Îsraîlê bi awayekî dîplomatîk de bi ser ketiye”, got ku “15 endamên Konseya Ewlekariyê êrîşên dawî yên Îsraîlê şermezar kirin.” Wî destnîşan kir ku Sûriyê “pêbendê Peymana Veqetandinê ya 1974-an dimîne”, vê pabendbûnê wekî “ji bo Îsraîlê ji vebijarka bersiveke leşkerî bêtir acizker” dibîne.
Olabî bang li Konseya Ewlekariyê kir ku “bi lezgînî tedbîrên rêzgirtina serwerî û yekparçeyiya axa Sûriyê garantî dikin bigirin”, daxwaza rawestandina êrîşên dubare yên Îsraîlê li ser axa Sûriyê kir.
