Istanbol Dê Mêvandariya Civîneke Navneteweyî li ser Agirbest û Gihandina Alîkariyê bo Geza Bike
Bajara Îstenbolê, dê roja Duşemê di bin çavdêriya Wezîrê Derve yê Tirkiyê Hakan Fîdan de, civîneke navneteweyî li ser Geza pêşwazî bike. Ev di çarçoveya hewldanên navneteweyî de ji bo xurtkirina agirbestê û birêvebirina qonaxa din a operasyona mirovî li Geza tê.
Çavkaniyên agahdar diyar kirin ku civîn dê wezîrên derve yên Tirkiyê, Îmaratên Erebî yên Yekbûyî, Endonezya, Qeter, Pakistan, Erebistana Siûdî û Urdunê – heman welatên ku di 23ê Îlona 2015an de li New Yorkê di çarçoveya civîna 80emîn a Civata Giştî ya Neteweyên Yekbûyî de bi Serokê Amerîka Donald Trump re civiyan – bîne cem hev.
Guftûgo dê li ser xurtkirina agirbestê, rewşa mirovî û gihandina alîkariyê bo Geza, ji bilî nîqaşkirina qonaxa duyemîn, tê de avakirina hêzek navneteweyî ya demkî ji bo birêvebirina Geza, werin kirin. Wezîrê Derve yê Tirkiyê rave kir ku civîn dê li ser “çawa derbasî qonaxa duyemîn bibin, ew jî hêza aramiyê ye” nîqaş bike, di heman demê de metersiyên Enqerê yên li ser berdewamiya agirbestê destnîşan kir.
Ev civîn piştî hewldanên dijwar ên navbeynkaran, bi taybetî Misrê, ji bo avakirina hêza demkî, bi armanca misogerkirina ewlehiya li Geza pêk tê, di heman demê de tekezî li ser derxistina erêniyeke ji Konseya Ewlekariyê ya Neteweyên Yekbûyî da ku rewatiya her beşdariya navneteweyî di operasyonên leşkerî yên li Geza de garantî bike.
Peymana agirbestê, ku di 10ê Cotmehê de bi cih anînîn, destnîşan kir ku Hemas dê hemî girtiyên Îsraîlî berde û cenazeyên kesên kuştî radest bike, di berdêla vekişîna hêzên Îsraîlî bo deverên diyarkirî, radestkirina 600 kamyonên xwarinê û alîkariya bijîşkî rojane bo Geza, û rakirina kavilan. Qonaxa din avakirina hêza demkî ya navneteweyî, bêçekkirina Geza, û destpêkirina ji nû ve avakirinê vedihewîne.
