Karmendên bijîşkî li Minbicê ji ber derengmay’na mûçeyan xwepêşandanek li dar xistin
Nexweşxaneya Neteweyî ya Minbicê li gundewarê rojhilatê Helebê îro rastî xwepêşandanek hat, ku ji hêla dehan karmendên bijîşkî, teknîkî û îdarî ve hate organîzekirin, û li dijî derengmayîna mûçeyên wan ji çar mehan zêdetir ji ber rawestandina piştgiriya ji rêxistinên ku fînanse dikirin nerazîbûn nîşan dan.
Beşdaran metersiyên xwe li ser bandora vê derengmayînê li ser berdewamiya xizmetên bijîşkî yên bingehîn anîn ziman, daxwaza dayîna yekser ya mûçeyan û misogerkirina berdewamiya fînansekirinê ji bo piştgiriya operasyonên nexweşxaneyê kirin.
Nûçegihanê “rojnameya El-Cemahîr”, Mua’wiya El-Salêh, piştrast kir ku xwepêşandan di nav zehmetiyên aborî yên giran de tê, û hişyarî da bandorên wan li ser tenduristiya niştecihên herêmî li gundewarê Helebê, ku sektora tenduristiyê ji kêmbûna pêdiviyên bijîşkî dikişîne.
Karmendên bijîşkî bang li rayedarên têkildar kirin ku ji bo dûrketina ji astengkirina xizmetan bi lezgîn destwerdanê bikin, û tekez kirin ku di nav şert û mercên dijwar ên mirovî de pêdivî bi piştgiriya sektora bijîşkî heye.
