Hums û Lazkiye di bin bombebaranê de ne: Êrîşên hewayî yên Îsraîlê cihên leşkerî armanc digirin

Balafirên şer ên Îsraîlê îro di danê sibê de rêze êrîşên hewayî li ser cihên leşkerî yên li Sûriyê pêk anîn. Yek ji êrîşan tabûrek hêzên hewayî li başûrê rojhilatê Humsê armanc girt, li herêmê teqînên bi deng çêbûn. Çavkaniyên herêmî ragihandin ku zirarên madî çêbûne, lê hîn jî derbarê qurbaniyên mirovî de ti agahî nehatiye piştrastkirin.

Di heman demê de, balafirên şer ên Îsraîlê du êrîşên asmanî li ser baregeheke leşkerî li herêma Saqûbîn a Laziqiyê kirin, her wiha dengê ambulansan dihat ku ber bi cihê armancgirtî ve diçûn. Hejmara qurbaniyan û ziyana ku ji ber êrîşê çêbûye hîn nayê zanîn.

Ev êrîş di demekê de tên ku aloziya di navbera Îsraîl û hêzên li Sûriyê de berdewam dike, lê Şamê hîn ti şîroveyeke fermî li ser vê mijarê nedaye.