Derengiya şeva borî, dewriyeke Îsraîlê, ku ji nêzîkî heşt wesayîtan pêk dihat, li nêzîkî gundê Kodna li gundewarê başûrê Quneytrayê ket herêma Rasem el-Heyadrayê. Dewriye di nav malan de belav bû, digel gulebaranên giran û avêtina fîşekên agirîn ji çeperên Îsraîlê li baregeha el-Cezîreyê li gundê Me’ariyeyê li gundewarê rojavayê Derayê.
Li gorî raporan, tevgerên Îsraîlê bi gulebaran û fîşekên agirîn re hatin, di demekê de ku çalakiyên leşkerî yên Îsraîlê li deverên sînorî yên gundewarên Quneytra û Derayê berdewam dikin. Heta niha ti qurbanî an zirarên madî çênebûne.
Ev êrîş piştî êrîşeke Îsraîlê ya duh bo ser axa Sûriyeyê tê, ku hêzek ji du tank, buldozerek û zêdetirî 10 wesayîtên leşkerî pêk dihat, ketin erdên çandiniyê yên derdora zeviya Beyt Cinn li gundewarê Şamê.
Di wê bûyerê de ti qurbanî an zirar çênebûne. Li gundewarê Quneyterê, hêzeke Îsraîlê ya ji sê wesayîtan pêk dihat, derbasî rojavayê gundê Seyde el-Henût bû û destwerdan û tevgerên leşkerî yên Îsraîlê di nav axa Sûriyeyê de li başûr berdewam kirin.
