Hesekê 35 birîndar ji taxên Şêx Meqsûd û Eşrefiyê pêşwazî kir
Sih û pênc birîndarên niştecihên taxên Şêx Meqsûd û Eşrefiyê îro gihîştin bajarê Hesekê yê herêma Cezîrê, piştî ku di saetên serê sibê de ji wan taxan hatin derxistin. Tê payîn ku di saetên pêş de birîndarên din jî bigihîjin.
Li gorî çavkaniyên bijîşkî, sivîlên birîndar yekser ji bo wergirtina dermankirina pêwîst bo Nexweşxaneya Şehîd Sarya ya Hesekê hatine veguhastin. Çavkaniyan piştrast kirin ku amadekarî ji bo pêşwazî kirina nexweşên din berdewam dikin.
Ev yek piştî êrîşên ku ji aliyê çeteyên Hikûmeta veguhêz ya Sûriyê ku ji aliyê Tirkiyê ve tê piştgirîkirin li ser taxên Şêx Meqsûd û Eşrefiyê yên bi piranî Kurd in, li Helebê ji 6ê Çile ve dest pê kirine, tê. Ji bo topbarankirina deverên niştecihbûnê cûreyên cûrbecûr çekên giran hatine bikar anîn.
Li gorî çavkaniyan, herêm rastî gelek êrîşan ji aliyê dronên ji aliyê Tirkiyê ve têne piştgirîkirin ve hatiye, di encamê de bi dehan sivîl mirine û bi sedan kes birîndar bûne.
