QSD komên El-Emşat û El-Hemzat bi topbarankirina çeperên Dêr Hafirê tawanbar kirin
QSD roja Duşemê diyar kir ku çeperên wan li bajarê Dêr Hafir, li gundewarê rojhilatê Helebê, ji aliyê komên El-Emşat û El-Hemzat ve hatine topbaran kirin. QSD van koman bi hedefgirtina malên sivîlan û xistina jiyana niştecihan di xetereyê de tawanbar kir.
Di daxuyaniyekê de, QSD “mafê xwe yê tevahî û rewa yê parastina şervan û gelê xwe” piştrast kir, destnîşan kir ku topbaranê bajar bê cudahî ji aliyê komên girêdayî hikûmeta Şamê ve û di lîsteyên cezayên navneteweyî de hatine navnîş kirin, hedef girtine.
Daxuyaniyê zêde kir ku di encama topbaranê de ti windahiyên madî an mirovî di nav hêzên QSD de çênebûne, kesên ku topbaran kirine bi tevahî berpirsiyarê “sûc û binpêkirinan” û her encamên ku çêbibin dibîne.
Berevajî vê, Wezareta Parastina Hikûmeta Veguhêz ya Sûriyê berê Hêzên Sûriya Demokratîk (QSD) bi topbarankirina çeperek polîsên leşkerî li Dêr Hafir, ku di encamê de sê kes birîndar bûn, tawanbar kiribû. QSD van tewanbaran red kir û wekî sexte bi nav kir.
Di heman demê de, medya dewletê, ji çavkaniyek leşkerî, ragihand ku hêzên Hikûmeta Veguhêz dest bi hedefgirtina cihên avêtina dronên QSDê li derdora Dêr Hafir, rojhilatê Helebê kirine. Çavkanî zêde kir ku êrîşên dronên QSDê zêdetirî şeş sivîl û endamên polîsên leşkerî birîndar kirine, nîşan da ku bersiva Hikûmeta Veguhêz dê sînordar be.
