Serokwezîrê Îsraîlê: Em dixwazin bi Sûriyê re peywendiyan ava bikin

Serokwezîrê Îsraîlê Benjamin Netanyahu roja Sêşemê êvarê got ku Îsraîl dixwaze bi Sûriyê re peywendî ava bike

Wî zêde kir ku “her çend nîvê endamên hikûmeta veguhêz a Sûriyê cîhadîst bin jî, Îsraîl dixwaze bi Sûriyê re têkiliyên cuda ava bike.”

Di hevpeyvînekê de bi Fox News re, Netanyahu zêde kir, “Mixabin, nîvê artêşa Sûriyê ji cîhadîstan pêk tê. Em dixwazin bibînin ka em dikarin bi Şamê re têkiliyên cuda ava bikin.”

Ji aliyê xwe ve, Serokê Amerîka got ku ew û Serokwezîrê Îsraîlê di derbarê Sûriyê de gihîştine “têgihîştinan”.

Di civîneke çapemeniyê ya hevbeş de li Florîda, diyar kir, “Ez piştrast im ku Îsraîl û Serokê Sûriyê dê bigihîjin rêkeftinekê, ez ê hemû hewla xwe bidim da ku vê yekê bi dest bixim.”

Roja Duşemê, Serokê Amerîka Donald Trump got, “Ez hêvî dikim ku Netanyahu dê bi Sûriyê re bikeve ser rêya rast.”