Washington ji ber şerê Ukraniya li ser du şîrketên navdar ên Rûsî cezayan ferz dike
Wezîrê Xezîneyê Amerîkî Scott Besant cezayan li ser şîrketên Rûsî “Rosneft” û “Lukoil “ragihand, û diyar kir ku ev gav ji ber fînansekirina operasyonên leşkerî yên Rûsya di pevçûna berdewam a bi Ukraniya re ji Sibata 2022an vir ve tê.
Bêsant rave kir ku Dewletên Yekbûyî yên Amerîka dê yek ji pakêtên mezin ên cezayan li ser Moskowê ferz bike, ji ber ku Serokê Rûsya Vladimir Putin bi awayekî dilsoz beşdarî danûstandinan nebû wekî ku dihat hêvîkirin, ku ev yek bû sedema dilşikestina rêveberiya Amerîka ji encamên hevdîtinên ku armanc dikin bidawîkirina pevçûnê.
Ji aliyê xwe ve, Serokê Amerîka Donald Trump hêviya xwe anî ziman ku ceza dê di demek nêzîk de werin rakirin û got: “Ev cezayên mezin in… û em hêvî dikin ku ew ê demek dirêj neyên sepandin. Em hêvî dikin ku şer biqede.” Wî zêde kir ku hevdîtinên wî yên bi Putin re li ser bidawîkirina pevçûnê “baş” bûn lê heta niha “bê encam” mane.
Di pêşketineke têkildar de, Yekîtiya Ewropayê roja Çarşemê li hev kir ku wekî beşek ji gurzên nozdehemîn a tedbîran, bi armanca sînordarkirina şiyana Moskowê ya fînansekirina şerê xwe li Ukraniya, dorpêçên li ser çavkaniyên enerjiya Rûsya tundtir bike. Li gorî Serokatiya Danîmarkî ya YE, tedbîr rawestandina tevahî ya hawirdekirina gaza xwezayî ya ron ji Rûsya, û her wiha tedbîrên li dijî filoya Rûsya ku rêbazên ji bo derbaskirina dorpêçên Rojavayî ji bo hinardekirina petrolê bikar tîne, vedihewîne.
