Astangirina li ser niştecihên taxa El-Sumeriya û metirsî ji koçberkirineke bi rêxistinkirî

Çavkaniyên herêmî li taxa El-Sumeriyê ya Şamê ragihandin ku rêzeke ji tedbîr û bendên nefermî li ser niştecihan hatine ferzkirin, di nav tewanberiya ku tensîq di navbera berpirsê ewlehiyê yê taxê û kesekî bi navê “Ebû Huzeyfe” de heye. Ev yek metiraî derxistiye holê ku ev pêşketin beşek ji planeke koçberkirina bi rêxistinkirî ya malbatên Elewî ne.
Rêbazên Nû yên Nakok

Rêbaz di nav xwe de serjimêriya malan di nav 48 demjimêran de dihewîne, tevî ku hejmareke mezin ji niştecihan ne di malên xwe de ne. Ev yek metirsî derxistiye holê ku ev nebûn dê ji bo bicihkirina kesên din li wan malan di berdêla pereyan de were bikar anîn.
Sînorkirinên li ser Tevgerê û Êşa Mirovî

Her wiha sînorkirin li ser ketin û derketina ji taxê hatin danîn. Derbasbûna niştecihan ji deriyê projeyê re hat astengkirin, û tenê bi riya deriyê garajê destûr dan derbasbûnê. Ev yek bû sedema qerebalixiyek giran û benda dirêj li xala kontrolê bi hinceta teftîşê, bêyî ku pêdiviyên mirovî yên wekî hebûna jin, zarok û kal û pîran werin berçavgirtin.
Qedexekirina kirêdaran û destûrdayîn ji kesên xerîb re

Her wiha, kirêdar bi hinceta ku ew ne xwediyên eslî ne, ji vegera malên xwe bi amûrên xwe hatin astengkirin. Di heman demê de, bêyî kontrolkirina nasnameyên kesên xerîb an jî zanîna sedemên hebûna wan, destûr hat dayîn ku bikevin taxê, ku ev yek rêjeya diziyê ji malên vala zêde kir.
Ofîseke taybet ji bo “Ebû Huzeyfe”

Çavkanî destnîşan dikin ku “Ebû Huzeyfe” ji bo xwe û ji endamên wî re di avahiyek li taxê de nivîsgehek taybet wergirtiye, tevî ku rayedaran berê hebûna wî li El-Sumeriyê qedexe kiribûn.
Ev rastî siyaseta berdewam a astengkirinê li dijî niştecihên taxê eşkere dike, û tirsa ku ev yek bibe destpêka pêngaveke berfireh a koçberiyê ku xelkê El-Sumeriyê armanc digire, zêde dibe.