Têkilî bi xortekî re li Hundirê Wezareta Karên Derve ya Hikûmeta Veguhêz ya Sûriyê winda bû
Malbatek ji Parêzgeha Siwêda ragihand ku roja Çarşemê ya borî di avahiya Wezareta Karên Derve ya Hikûmeta Veguhêz ya Sûriyê li Şamê de têkiliya wan bi kurê wan re qut bûye, bê ku tu agahî li ser çarenûsa wî hebe.
Malbatê diyar kir ku Mu’tasim Îsmaîl Ednan ê 26 salî, ji bajarokê el-Kefirê li gundewarê Siwêda, roja Sêşemê ya borî ji bo temamkirina kaxezên têkildarî pejirandina pasaport û belgeyên fermî yên endamên malbatê çûye Şamê. Wan zêde kir ku têkiliya wan bi wî re di saet 12:30 de dema ku ew di hundirê avahiya wezaretê de bû qut bûye.
Li gorî malbatê, hewldanên wan ên dubare yên ji bo pêwendiyê bi wî re bêserûber bûne, pismamê wî, ji bo lêpirsînê çûye Şamê, tu agahî li ser cihê wî negirtiye.
Malbatê diyar kir ku Mu’tasim berî ku ji bo betlaneyê vegere Sûriyê li Îmaratê dijiya û ti pirsgirêkên wî yên qanûnî tune ne. Wan ji rayedarên pêwendîdar xwestin ku ji bo dîtina wî û diyarkirina çarenûsa wî alîkariyê bikin.
