Şandeyeke QSDê li Şamê ye ji bo nîqaşkirina Tevilîbûna hêzên QSDê di nav artêşa Sûriyê de
Li gorî çavkaniyên herêmî, şandeyeke leşkerî ji Hêzên Sûriya Demokratîk (QSD) roja Yekşemê êvarê gihîşt paytextê Şam, bi armanca nîqaşkirina mekanîzmaya tevilîbûna hêzên QSDê di nav artêşa Sûriyê de.
Di nav şandeyê de endama Fermandariya Giştî ya QSDê Sîban Hemo û Sûzdar Hecî, û her wiha fermandar Ebjar Dawûd û Şakêr Dêra Zor hene. Ev yekem civîna bi vî rengî ye ji bo komîteyên ku ji peymana 10ê Adarê derketine holê, ku armanc dike mijara tevilîbûna leşkerî nîqaş bike.
Biryar e ku gera yekem a danûstandinan di navbera her du aliyan de roja Duşemê dest pê bike.
Ev gav wekî berdewamiya peymana ku di civîna dawî ya di navbera serokê hikûmeta veguhêz a Sûriyê, Ehmed El-Şer’i, û Fermandarê Giştî yê QSDê Mezlûm Ebdî de hatiye bidestxistin, tê. Li hev kirin ku civînên komîteyên leşkerî yên her du aliyan ji bo temamkirina pêvajoya tevilîbûnê werin lidarxistin.
Hûrgiliyên zêdetir derbarê rojevê û encamên nîqaşan de hîn nehatine ragihandin, di heman demê de çavdêr li benda pêşketinên di tevilîbûna QSDê di nav dezgeha leşkerî ya Sûriyê de ne.
