QSD: Li Eyn Îsa, Şedadî û Reqayê tevî agirbestê jî aloziyeke metirsîdar heye

Hêzên Sûriya Demokratîk (QSD) tevî ragihandina agirbestê li Eyn Îsa, Şedadî û Reqayê şerekî metirsîdar heye.

Navenda Medyayê ya Hêzên Sûriya Demokratîk (QSD) derbarê pêşketinên dawî yên li herêmê de daxuyaniyek ji raya giştî re weşand û wiha got:

“Tevî peymana agirbestê ya ragihandî û daxuyaniyên di vî warî de hatine dayîn jî, komên hikûmeta Şamê êrîşên xwe yên li ser hêzên me li Eyn Îsa, Şedadê û Reqayê didomînin.

Niha, li dora girtîgeha el-Eqtan a li Reqayê, girtiyên DAIŞê lê ne, di navbera hêzên me û van koman de pevçûnên dijwar diqewimin, ev pêşketin pir xeter e.

Em ji raya giştî re tekez dikin ku asta gefê bi girîngî zêde dibe, di nav hewldanên van koman ên gihîştina girtîgehê û kontrolkirina wê de, bandorên cidî yên ewlehiyê yên ku dikarin bibin sedema wê, gefê li aramiyê didin û rê li ber vegera kaos û terorîzmê vedikin.

Ji ber vê yekê, em van rastiyan ji raya giştî re pêşkêş dikin û êrîşkaran bi tevahî berpirsiyarê her encamên karesatbar ên ku dibe ji berdewamiya van êrîşan derkevin holê dibînin.”