Qels bûna lîreya Sûrî li hember dolar bi destpêkirina pêvajoya guhertina diravî re
Lîreya Sûrî roja Yekşemê sibehê li hember dolarê Amerîkî bi awayekî qels derket, ev yek jî bi destpêkirina pêvajoya guhertina diravî re hemdem bû ku çend roj berê ji hêla Waliyê Banka Navendî ya Sûriyê ve hatibû ragihandin.
Cîgirê Yekem ê Waliyê Banka Navendî ya Sûriyê, Muxlis el-Nazêr, roja Şemiyê êvarê ragihand ku guhertina diravî dest pê kiriye û diravê nû niha ji bo gel peyda ye. Di tweetekê de diyar kir ku nûnerên bankayên taybet û şîrketên pereguhertinê ji serê sibê ve digihîjin şaxên Banka Navendî li parêzgehên cûda, da ku lîreyên nû yên Sûrî bistînin.
Li gorî rêjeyên heyî, dolar li Şam, Heleb û Idlibê bi 11,980 lîreyên Sûrî ji bo kirînê û 12,030 lîreyên Sûrî ji bo firotanê dihat firotin. Li parêzgeha Hesekê, li gorî rêjeya guhertina diravê Sûrî ya kevin, rêjeyê 11,800 lîreyên Sûrî ji bo kirînê û 12,000 lîreyên Sûrî ji bo firotanê bû.
Di vê çarçoveyê de, Ajansa North Press şeva Şemiyê herikîna bi dehan welatiyan ber bi dikanên pereguhertinan li Şamê ve çavdêrkir, bi armanca guhertina pereyên xwe bi pereyê nû yê Sûrî, di demekê de ku tê çavdêrkirin ku ev gav li ser bazara pereguhertinê di rojên pêş de bandorê bike.
