Li nêzîkî Balafirgeha Navneteweyî ya Helebê, dronek otomobîlek armanc girt

Li gorî agahiyên destpêkê, dema ku otomobîlek li ser rêya ku ber bi Balafirgeha Navneteweyî ya Helebê ve diçû, dronek wê otomobîlê armanc girt û du kesên di hundirê wê de kuştin.

Çavkaniyên herêmî ragihandin ku teqîna ji ber armancgirtinê çêbûye bi hêz bû û dengê wê li deverên berfireh ên derdora Helebê hate bihîstin.

Agahiyên bûyerê ji hev cuda ne, hin ajansan piştrast kirin ku du kes hatine kuştin, lê dezgehên medyayî yên Sûriyê ragihandin ku erebe ya sivîlan bû. Lêbelê, çavkaniyên din ên herêmî destnîşan kirin ku dibe ku armanc cîhadîstên tundrew bin.

Hêjayî gotinê ye ku carinan li herêmê êrîşên asmanî tên kirin, ku pir caran endam û rêberên girêdayî rêxistinên cîhadîst dibin armanc. Heta niha, ti rêxistin berpirsiyariya êrîşê negirtiye ser xwe, û ji hikûmeta Sûriyê jî ti şîroveyeke fermî nehatiye kirin.