Kêmneteweyên Sûrî li ber Baylozxaneya Amerîkî li Toronto xwepêşandanek li dar xistin, ji bo Şermezarkirina serdana El-Şeri
Nêzîkî 200 kes ji civakên Kurd, Durzî û Elewiyan li ber Baylozxaneya Amerîkî li Toronto-Kanada xwepêşandanek li dar xistin, ji bo protestokirina serdana serokê hikûmeta veguhêz a Sûrî, Ehmed El-Şeri, bo Washingtonê.
Xwepêşanderan duruşmeyên bi nivîsa “Kêmneteweyên Sûrî di xetereyê de ne” hildan û bang li Dewletên Yekbûyî kirin ku têkiliya xwe bi El-Şeri re ji nû ve binirxînin û ji bo parastina mafên kêmneteweyan li Sûriyê destwerdan bikin.
Li gorî Çavdêriya Sûrî Ya Mafên Mirovan , ji destpêka sala 2025an vir ve li deverên wekî Siwêda û Beravên Sûriyê tundûtûjî heye, ku di encamê de bi sedan kes mirine. Beşdaran ev yek wekî delîlek ji bo zêdebûna xetereyên ku kêmnetewe piştî guhertina rejîmê di Kanûna 2024an de pê re rû bi rû ne, nirxandin.
Xwepêşanderan daxwaza cezakirina li dijî kesên ku ji binpêkirinan berpirsiyar in kirin û parastina civakên Kurd, Durzî û Elewî xwestin.
Polîsên Kanada piştrast kirin ku xwepêşandana ku îro sibe li navenda bajêr dest pê kir, bi awayekî aştiyane pêk hat. Nadya Hesan, xwepêşandereke Durzî, got, “Em helwesteke Amerîkî dixwazin ku piştgiriya mafên me bike û ewlehiya civakên me misoger bike.”
Bûyerên bi vî rengî li bajarên din, wek London û Parîsê, di demekê de ku nîqaşên navneteweyî yên derbarê pêşeroja krîza Sûriyê de berdewam dikin, pêk hatin.
