Îsraîl bi êrîşên li ser depoyên çekan ên Tirkiyê Hums û Lazkiyeyê armanc digire
Li gorî “El Erebiya” û “El Hadas”, çavkaniyek ewlehiyê ya Îsrayîlê roja Sêşemê, 9ê Îlona 2025an, piştrast kir, ku êrîşên Hêzên Hewayî yên Îsrayîlê yên di sibeha îro de cihên li bajarê Humsê yê Sûriyê, di nav de depoyên mûşekan û alavên parastina hewayî yên Tirkiyê çêkiriye ku vê dawiyê ji bo herêmê hatibûn veguhastin, armanc girtine.
Çavkaniyê xuya kir ku “Tirkiyê hewl dide me tacîz bike û me bikişîne nav pevçûnek leşkerî ku em jê natirsin, lê em naxwazin.” Wî her wiha got, “Îsraîl bi rêveberiya Sûriyê re li ser rêkeftinên ewlehiyê danûstandinan dike, lê dema ku pêwîst be dê dudilî nebe ku hêzê bikar bîne.” Wî destnîşan kir ku “rewşa navxweyî ya Sûriyê sist e, û Îsraîl bi biryar e ku başûrê Sûriyê bêçek bike û dê li her gefê li ser ewlehiya wê bixe, bêyî ku çavkanî an cihê wê çi be.”
Ji aliyê xwe ve, çavkaniyên medya Sûrî ragihandin ku êrîşan li derdora Lazkiye û Humsê, di nav de depoyên cebilxaneyê yên Hêzên Çekdar ên Sûriyê û dibistaneke parastina hewayî li Humsê, armanc girtine.
Wezareta Derve ya Sûriyê bi daxuyaniyekê êrîşa Îsraîlê şermezar kir û ew wekî “binpêkirina serweriya Sûriyê” bi nav kir. Daxuyaniyê tekez kir ku Sûriyê “ji bo têkbirina serweriya xwe an ewlehiya xwe ya neteweyî teslîm nabe” û bang li Konseya Ewlekariyê û civaka navneteweyî kir ku “êrîşên Îsraîlê rawestînin”.
