Îsraîl agirbesta li Gezayê bi radestkirina çekan û berdana dîlan ve girêdide
Wezîrê Derve yê Îsraîlê Gideon Sa’ar roja Yekşemê got ku şerê li Geza dê “di cih de” biqede ger Hamas hemî dîlan berde û bêçek bimîne, teslîmbûn wekî yekane rêya rawestandina operasyonên leşkerî dibîne.
Her wiha Sa’ar got ku aştî bi naskirina navneteweyî ya dewleteke Filistînî nayê bidestxistin, lê belê bi “têgihîştinên rasterast di navbera herdu aliyan de” wekî ku wî got, di demekê de ku artêşa Îsraîlê êrîşên xwe yên li ser Herêma Geza didomîne.
Li hemberî vê, fermandarê Hamasê Basêm Naîm piştrast kir ku tevger dê çekên xwe bernede, lê amade ye ku dîlan berde ger Îsraîl soz bide şer rawestîne û hêzên xwe ji Geza vekişîne. Wî got, “Berxwedan mafekî rewa ye ku ji hêla qanûna navneteweyî ve hatî garantîkirin, û nikare dev jê berde heya ku dewletek Filistînî ya serbixwe bi paytexta wê Qudis were damezrandin, di heman demê de vegera penaberan were misoger kirin.”
Radyoya Artêşa Îsraîlê ji serokê Beşa Operasyonan veguhest ku artêş amadekariyên ketina nav bajarê Geza dike, lê wî mukur kir ku ev gav “dibe ku di pevçûna bi Hamasê re nebe sedema dawîanîna serkeftinê”.
