Îran kesekî ku bi sîxuriya ji bo Mosadê hatiye tawanbarkirin darve kir

Rayedarên Îranê îro ragihandin ku Babek Şahbazî piştî ku bi sîxuriya ji bo dezgeha îstîxbarata Îsraîlê (Mosadê) hate mehkûmkirin, hatiye darvekirin.

Ajansa Nûçeyan a “Tasnim” a Îranê ragihand ku Şehbazî di veguhestina agahiyan bo saziyên bi Îsraîlê ve girêdayî de beşdar bû, û destnîşan kir ku ceza piştî temamkirina prosedurên qanûnî û pejirandina ji aliyê Dadgeha Bilind ve hatiye bicîhanîn.

Li gorî ajansê, Şehbazî wekî peymankarekî pispor di dîzankirin û sazkirina alavên sarincokê yên pîşesaziyê de dixebitî, û di şîrketên girêdayî saziyên sivîl, leşkerî û ewlehiyê yên di nav welêt de çalak bû.