Danpêdanên şokker ji beşdarên tundûtûjiya li Swêdayê
“Dalil 24” tomarên taybet bi dest xistine ku danpêdanên kesên di tundûtûjiya ku Tîrmeha 2025an de li parêzgeha Siwêda ya başûrê Sûriyê derketiye holê û bi sedan kes kuştine û bi hezaran kes jî koçber bûne, eşkere dikin. Tomarkirin hevrêziya bêserûber û binpêkirinên giran ên ku sivîlan armanc digirin, di nav pevçûnek mezhebî ya tevlihev de, nîşan didin.
Yek ji danpêdankeran bi navê Qusey Ebdulezîz El-Haco (21 salî) ji bajarê Tebqay û ji eşîra El-Nasir, hûrgiliyên beşdarbûna xwe vegot.
Wî got ku ew du meh berê ji Erebistana Siûdî vegeriyaye Şamê, li wir Ferec el-Hemûd el-Ferec, kesayetiyek girîng di eşîra el-Bo Şaban de, bi rêya postên medya civakî banga kombûnekê kiribû ji bo şerê li dijî Durzîyan li Swêdayê. Qusey destnîşan kir ku el-Hemûd di axaftinên xwe de kêmneteweyan, bi taybetî Durzî, armanc girtiye.
Rêwîtî li ser rêya Mezeh a Şamê dest pê kir, li wir nêzîkî 20 kes di pênc otomobîlan de kom bûn. Bi alîkariya birayê wî, kom gihîşt Izraa li gundewarê Derayê, dû re jî herêma Mezraa li gundewarê Siwêdayê.
Li wir, ew tevlî karwanên komên çekdar bûn, di nav wan de komên “Emşat” û “Hemzat”, ku beşek ji artêşa Sûriyê di hikûmeta demkî de ne, ligel koçberên ji neteweyên cûda(Muhecirîn), di nav de Pakistanî û Ozbek, ku cilên dirûşmeyên olî yên Dewleta Îslamî li ser wan hebûn, li xwe kiribûn.
Li gorî Qusey, komên Wezareta Parastinê şer bi rê ve birin, di heman demê de eşîran rêya xwe li pişt wan “digerandin”(Temşît). Lê ew ji dîmenên wêraniyê şok bû: “Cenazeyên sivîlên Durzî li ser rêyan dirêjkirî, xaniyên şewitî û otomobîlên wêrankirî.”
Wî zêde kir, “Ew her tiştî dişewitandin, heta malên sivîlan jî, da ku rê li ber vegera mirovan bigirin.” Her wiha wî bal kişand li ser hebûna gumanbarên endamên berê yên DAIŞê ku bi binpêkirinên xwe pesnê xwe didin da ku wêneya xwe li cem hikûmeta demkî xurt bikin.
Şêx Samî el-Hifl, ji eşîra Ekîdet, koordînatorê sereke yê handanê bû û cebilxane û çekan, di nav de Kalaşnîkov û bombeyên roketavêj, ji şervanan re dabîm dikir.
Piştî ku li Siwêdayê birîndar bû, Qusey vegeriya Şamê, li wir wî vîdyoyên ku talan û şewitandinê, û çekdaran ku bi “genîmeyan” pesnê xwe didin, temaşe kir.
Di dawiya îtîrafên xwe de, Qusey bang li gelê Sûriyê kir û hişyarî da ku nekevin nav şerekî navxweyî: “Nekevin nav şerê navxweyî ku dê Sûriyê hilweşîne û parçe bike.”
Ev îdia kaosa rêxistinî û binpêkirinên cidî eşkere dike, û tevliheviya şerê li Siwêdayê destnîşan dike, ku tê de fanatîzma eşîrî bi destwerdana biyanî re tevlihev bûye, di nav tenewbariyên komkujiyên ku sivîlan armanc digirin de.
