Civîneke awarte di hefteya bê de bi sedan general û amîralên Amerîkî kom kirin
Washington – Rojnameya Washington Post eşkere kir ku Wezîrê Parastinê yê Amerîka Pete Hegseth biryareke bêhempa daye ku bi sedan general û amîralan hefteya bê li Baregeha Hêzên Deryayî ya Quantico li Virginia ji bo civîneke awarte gazî bike, bêyî ku sedemên vê tevgerê eşkere bike.
Li gorî rojnameyê, ev gazîkirin nêzîkî 800 serbazên payebilind ji şaxên cûda yên artêşa Amerîkî li hundir û derveyî Dewletên Yekbûyî yên Amerîka, di nav de fermandarên li Ewropa, Rojhilata Navîn, Asya û Okyanûsa Pasîfîkê bicîh bûne, dihewîne. Raydarên ku bi mijarê agahdar in piştrast kirin ku biryar, ji bilî şêwirmendên leşkerî yên payebilind, serbazên bi pileya Emîdû jortir ên ku di cihên fermandariyê de ne, dihewîne.
Ev gazîbûna ji nişka ve di nav saziya leşkerî de tevlihevî û metersî derxist holê, nemaze ji ber ku ev civîn piştî rêze guhertinên girîng ên ku ji hêla rêveberiya Serok Donald Trump ve îsal hatine kirin tê, di nav de ji kar dûrxistina çend fermandarên payebilind.
Çavdêr bawer dikin ku civîn dibe ku bi çêkirina Stratejiya Parastina Neteweyî ya nû ve girêdayî be, ku tê texmînkirin ku pêşîniyên leşkerî ji nû ve birêxistin bike, bi balkişandina mezintir li ser “parastina welat”, di demekê de ku Çîn di salên dawî de wekî gefa ewlehiyê ya herî berbiçav a Dewletên Yekbûyî tê nasîn.
