Artêşa Îsrayîlê avakirina xetên ewlehiyê li Sûriya, Lubnan û Devera Xeza radigihîne
Artêşa Îsraîlê roja Duşemê ragihand ku li Sûriyê, Lubnan û Devera Xeza dixebite ji bo “xetên ewlehiyê” ava bike, tekez kir ku hêzên wê di pozîsyoneke parastinê ya pêşketî de ne û amade ne bersiva her gefê bidin.
Serfermandarê Giştî yê Îsraîlê Eyal Zamîr di serdana baregeha Firqeya 91emîn de, li gel Fermandariya herêma Bakur, Rafî Milo, diyar kir ku artêş li gelek deveran, di nav de Lubnan, Sûriyê û Devera Xeza, xetên ewlehiyê bicîh tîne.
Zamîr rave kir ku “hêzên artêşa Îsraîlê di pozîsyoneke parastinê ya pêşketî de ne û li xalên kontrolê hatine bicihkirin,” got ev hêz ji bo avakirina xetên ewlehiyê “li hemî deveran” dixebitin.
Wî zêde kir ku artêşa Îsraîlê “nahêle dijmin şiyanên xwe xurt bike”, tekez kir ku hêzên wê dê bersiva her binpêkirina peymanên heyî bidin û destnîşan kir ku polîtîka ji bo têkbirina gefan xebata xwe didomînin.
Zamîr berdewam kir ku bicihkirina hêzan li van xalan armanc dike ku “parastineke baştir” ji bo niştecihan peyda bike.
Ev daxuyanî di demekê de tên ku Îsraîl çalakiyên xwe yên leşkerî li başûrê Sûriyê didomîne, ji bilî êrîşên li ser deverên cûrbecûr li başûrê Lubnanê.
